पपगायिका रिहानाले आफ्नो भित्री बस्त्र संसारलाई नै देखाइन्

कोस्टारिका क्वार्टरफइनलमा पुग्दा एक महिला फेटोग्राफरले खुसीमा बाहिरी बस्त्र उचालेर ‘ब्रा’ देखाएकी थिइन् । दर्जनौं अन्तर्राष्ट्रिय मिडियाकर्मीबीच उनले भित्री बस्त्र देखाएकी थिइन् । ठ्याक्कै यस्तै घटना विश्वकप फाइनलमा भयो । यसपटक कुनै फेटोग्राफर वा सामान्य महिला समर्थकले आफ्नो भित्री बस्त्र देखाएकी होइनन् । यसपाली विश्व चर्चित पपगायिका रिहानाले जर्मनी विश्वच्याम्पियन भएको खुसीमा आफ्नो भित्री बस्त्र संसारलाई नै देखाइन् । हुत त रिहानाबाट यस किसिमको दृश्य प्रस्तुत गर्नु खासै नौलो भने होइन् । 

तर, आफ्नो टोली विश्व च्याम्पियन हुँदा एक समर्थकका रुपमा रिहाना कतिसम्म खुसी हुन सक्छिन भन्ने उनले देखाइन् । मासाकाराना रंगशालाको सामान्य दर्शकका रुपमा उनी उपस्थित भएकी थिइन् । २६ वर्षीया रिहानाले मारियो गोटेजले निर्णायक गोल गर्दा उनले आफूलाई सम्हाल्न सकिनन् । र, उफ्रदैं कालो भित्री बस्त्र देखाइन् । जर्मन खेलाडीले ट्रफी उचालेपछि रिहानाले पनि खेलाडीसँगै फोटो सेसन गराइन् । मौकाको फाइदा उठाउँदै उनले लुकास पोडोल्स्की र वास्टिन वाइन्स्टाइगरसँग ट्रफी हातमा लिँदै फोटो खिचाइन् । आजको नयाँ पत्रिका दैनिकमा खबर छापिएको छ ।