युटुवमा रुचाइयो हिम्मतवालीको गीत : एकदिनमा १९००० भन्दा बडी दर्शक – भीडीयो हेर्नुहोस -

काठमाडौ : अभिनेत्री रेखा थापाको पछिल्लो चलचित्र ‘हिम्मतवाली’ को गीतले छोटै समयमा धेरै दर्शक पाएको छ । ‘काली तिम्रो नजरले ’ बोलको गीतको अडियो भिडीयो युटुवमा गतबुधबार सार्वजनिक भएको थियो । युटुवमार्फत सार्वजनिक भएको उक्त गीत एकै दिनमा १९००० दर्शकले हेरेको रेकर्ड छ । एकै दिनयति धेरै दर्शक पाएको यो सम्भवत पहिलो नेपाली गीत हो । अभिनेत्री रेखा थापा प्रति सबैको चासो रहने गरेको छ । त्यसैले पनि रेखाको यो गीतले १ दिनमा यति धेरै दर्शक पाएको हो । 

सार्वजनिक गीतमा रेखा थापा र रबिन् होडाले अभिनय गरेका छन् । टंक बुढाथोकिको संगीत रहेको यो गीतमा टंक र मनिषा पोखरेको स्वर छ । आगामी फुलपातीमा रिलिज हुने यो चलचित्र अहिले डबिङको तयारी गरिरहेको छ । चलचित्र अभिनेत्री रेखा आफैले निर्देशन गरेकी हुन् । दुवै हात गुमाएका नव अभिनेता सुदर्शन गौतम र रेखाको चलचित्रमा मुख्य भुमिका छ । अभिनयमा एकदशक बिताइसकेकी रेखाको निर्देशन पहिलो प्रयास हो । रेखा अब अभिनयको अवा निर्देशनलाई पनि निरन्तरता दिने सोचाइमा छिन् ।