बिहीवार जाजरकोट दशेरा- ३ तल्लोगाउँमा बम विस्फोटमा

जाजरकोट , फाल्गुन १० - गत बिहीवार जाजरकोट दशेरा- ३ तल्लोगाउँमा बम विस्फोटमा परी घाइते भएका ५२ वर्षीय कमारो चादाराको मत्यु भएको छ । चादाराको उपचारको क्रममा शिक्षण अस्पताल महाराजगन्जमा शुक्रवार राति मृत्यु भएको हो । विस्फोटनका घाईते अन्यको उक्त अस्पतालमा उपचार भइरहेको छ । उनीहरुको अवस्था सामान्य हुँदै गएको अस्पतालले बताएको छ । 

 द्वन्द्वकालको बमलाई चादाराले आरनमा तताएर पिट्न खोज्दा विस्फोटन भएको थियो । विस्फोटनबाट चादारासहित ३५ वर्षीय जोखे थापा, ३५ वर्षीय भक्तबहादुर नेपाली, ३५ वर्षीय मनबहादुर थापा, १५ वर्षीय नैनबहादुर नेपाली र ३३ वर्षीय नरसिंह थापा घाइते भएका थिए । द्वन्द्वकालमा लुकाई घरमा राखेको बमलाई जोखेले ओदान बनाउन खोजेका थिए । -